- १९ श्रावण २०८३, मंगलवार / Aug 4, 2026
काठमाडौं । नेपालमा ई–पासपोर्ट छाप्ने मेसिन अझै आइपेको छैन् । राहदानी विभागले नेपाल ल्याउन लागेको ई–पासपोर्ट छाप्ने मेसिन अझै नेपाल ल्याउन नसकेको जनाएको हो । मेसिन राख्नका लागि त्रिपुरेश्वरमा कार्यालय समेन निर्माण भइरहेको छ । मेसिनका लागि सर्भरको काम भइरहेकाले तत्कालै ल्याउन नसकिएको राहदानी विभागले जनाएको छ। सर्भरको काम नसकिएकोले ढिलाइ भइरहेको र सेप्टेम्बरको अन्त्यसम्ममा मेसिन नेपाल आइपुग्ने उल्लेख गरिएको छ ।
सम्पूर्ण पार्ट काठमाडौंमा ल्याएर जडान गर्ने विभागले जनाएको छ ।
मेसिन ल्याउनका लागि ‘आइडेमिया आइडेन्टिटी एन्ड सेक्युरिटी’ फ्रान्सेली कम्पनीले ठेक्का लिएको थियो । उक्त कम्पनीले २ करोड ११ लाख अमेरिकी डलर बराबरको ठेक्का पाएको थियो। विश्वका १ सय भन्दा बढी मुलुकले इ–पासपोर्ट सञ्चालनमा ल्याएका छन्। हातले लेखेको पासपोर्टलाई ११ वर्षअघि मेसिन रिडेबल पासपोर्टले विस्थापित गरेको थियो। विभिन्न देशबाट मेसिनको सामान ल्याई वीरगञ्ज भन्सार कार्यालयमा राखिएको छ। मेसिनका लागि चाहिने सामानहरु चीन, फ्रान्स र जर्मनबाट ल्याइएको छ।
