- ७ भाद्र २०८३, आईतवार / Aug 23, 2026
काठमाडौं । प्रतिनिधिसभा विघटनको विरोधमा कांग्रेसले तेश्रो चरणका विरोध कार्यक्रम अन्तर्गत सार्वजनिक गरेको छ । शनिबार शुभेच्छुक संघ संगठनहरुले ७७ वटै जिल्लामा विरोध र्याली तथा विरोभ सभा गरिरहेका छन् ।
आन्दोलनको शैली र संवैधानिक निकायमा गराइएको शपथ ग्रहणका विषयलाई थप गम्भीरतापुर्वक लिएर एकवद्ध भएर आन्दोलनका कार्यक्रमलाई अझ व्यापक बनाउन कांग्रेसले अपिल गरेको छ ।
प्रधानमन्त्री के.पी. शर्मा ओलीको सिफारिसमा पुस ५ गते गरिएको प्रतिनिधिसभा विघटनको कदमलाई असंवैधानिक, अलोकतान्त्रिक र सर्वसत्तावाद उन्मुख कदम भन्दै आन्दोलनमा रहेको कांग्रेसले यसअघि प्रतिनिधिसभा विघटनको विरोधमा पुस १३, पुस २५, माघ ३, माघ ८ र माघ १९ गते विरोध कार्यक्रम गरिसकेको छ ।
जनतालाई दुःख नदिने गरी शान्तिपूर्ण विरोध प्रदर्शनका कार्यक्रमलाई प्राथमिकता दिने काग्रेुले जनाएको छ । संवैधानिक परिषद सम्बन्धि अध्यादेश जारी गर्ने कदम होस् या त्यसपछिको बैठक अथवा पछिल्लो शपथग्रहण एवं सर्वसत्तावाद उन्मुख प्रवृत्ति विरुद्ध संघर्ष जारी रहेको काग्रेसले बताउदै आएको छ ।
