- १४ जेष्ठ २०८३, बिहीबार / May 28, 2026
काठमाडौं । आगामी निर्वाचनमा नेपाली कांग्रेसलाई समेट्न नसकिने नेकपा माओवादी केन्द्रका नेता लीलामणि पोखरेलले बताएका छन् । नेता पोखरेलले चुनौती दिदै भने, ‘गठबन्धन समझदारीमा हुने हो । त्यसकारण कांग्रेसले यति सिट चाहिन्छ भनेर हुँदैन ।
कांग्रेसलाई सय सिट चाहिन्छ भन्ने हो भने एक्लै लडोस् म चुनौती दिन चाहन्छु, परिणाम आफै निस्किने छ ।’ उसले केका आधारमा सय सिट मागिरहेको छ ? भन्दै स्थानीय तहमा आफुले निकास दिएको बताए ।
दम्भ प्रकट गरेर नहुने भन्दै नेता लीलामणीले विप्लवलगायतका नेताहरुको पक्राउ पुर्जी तुरुन्त फिर्ता गर्न आग्रह गरे । अबको प्रधानमन्त्री प्रचण्ड हुने संकेत गर्दै अहिले नै फलानो प्रधानमन्त्री भनेर नहुने बताए ।
अघिल्लो सरकारले तीनबुँदे सहमति गर्ने, यो सरकारले पक्राउ पुर्जी जारी गर्ने भन्दै आक्रोष व्यक्त गरे । सहमति भनेको मानमर्दन र अलमल्याउन गर्ने नभइ, विप्लव समूहले शान्तिपूर्ण राजनीतिमा आउन तयार छौं भनिसकेपछि फेरि अदालती प्रक्रियामा जाँदा फेरि अशान्ति मच्चिने कार्य गलत भएकोले पक्राउ पुर्जी अहिल्यै तुरुन्तै फिर्ता लिनुपर्ने बताए । ।
