काठमाडौंबाट २३ जना बन्दकर्ता पक्राउ

काठमाडौं । एमसीसीको विरोधमा बन्द गराउँन निस्केका २३ जना बन्दकर्ता उपत्यकाबाट पक्राउ परेका छन् । बुधबार बिहान पक्राउ पर्नेमा २ महिला सहित २३ जनालाई प्रहरीले पक्राउ गरेको महानगरीय प्रहरी कार्यालयले जनाएको हो ।

कोटेश्वर चोकमा पेट्रोल छर्केर ट्याक्सी जलाउन लागेको बेला ५० वर्षीय मंगलबहादुर मोक्तान लगायतकालाई पक्राउ गरिएको प्रवक्ता (एसपी) सन्तोष सिंह राठौरले बताए। बन्दको डरले मानिसहरुको चहलपहल कम भएको उनको भनाइ छ ।

मोहन बैद्य नेतृत्वको नेकपा क्रान्तिकार माओवादी, विप्लव नेतृत्वको नेपाल कम्युनिष्ट पार्टी, ऋषि कट्टेल नेतृत्वको नेकपा, आहुती नेतृत्वको वैज्ञानिक समाजवादी पार्टी र कर्णजित बुढाथोकी नेतृत्वकोको नेकपा माओवादी केन्द्र समाजवादी तथा सिपी गजुरेल नेतृत्वको देशभक्त गणतान्त्रिक मोर्चाले नेपाल बन्दको आह्वान गरेका हुन् ।