- ८ भाद्र २०८३, सोमबार / Aug 24, 2026
सर्लाही । जनप्रतिनिधिले नै लगाएको तालाबन्दीका कारण पर्सा गाउँपालिकाको कामकाज ठप्प भएको छ । तीन सातादेखि गाउँपालिका कार्यालयमा तालाबन्दी जारी छ ।
जसका कारण सेवाग्राही मर्कामा परेका छन् । बहुमत कार्यपालिका सदस्यले विभिन्न १९ बुँदे माग राख्दै फागुन १ गतेदेखि कार्यालयमा तालाबन्दी गरेका हुन् ।
गत आर्थिक वर्ष २०७९र०८० को आय–व्ययको फाँटवारी उपलब्ध गराउनुपर्ने, शाखा प्रमुखहरुको कामकाज सन्तोषजनक नभएकाले हेरफेर वा आवश्यकता अनुसार हटाउनुपर्ने, स्थायी, करार र दैनिक ज्यालादारी कर्मचारीको तलबसहित नामावली विवरण उपलब्ध गराउनुपर्ने,
इन्धन खर्चको विवरण उपलब्ध गराउनुपर्ने, २०७४ सालदेखि अहिलेसम्मको पेश्की र बेरुजु फछ्र्यौट गर्नुपर्ने लगायतका माग आन्दोलित जनप्रतिनिधिको छ ।
पर्सा गाउँपालिकामा १५ जना कार्यपालिका सदस्य रहेका छन् । त्यसमध्ये चार जना वडाध्यक्ष र चार जना सदस्यसहित आफूहरु बहुमद सदस्यले १९ बुँदे माग राखेर गाउँपालिकामा तालाबन्दी गरेको पर्सा गाउँपालिका–४, जिङ्गडवाका वडाध्यक्ष सुवोध राय यादवले बताए ।
