गाजामा मृत्यु हुनेको संख्या १० हजार नाघ्यो

प्यालेस्टाइनी क्षेत्र । हमासले इजरायलमा आक्रमण गरेको करिब एक महिना पुग्दै गर्दा प्यालेस्टिनी भूमिमा इजरायली बमबारीमा परी मृत्यु हुनेको सङ्ख्या १० हजार नाघेको छ ।

पत्रकार सम्मेलन गरी १० हजार २२ जनाको मृत्यु भएको गाजास्थित प्यालेष्टिनी स्वास्थ्य मन्त्रालयका प्रवक्ता अशरफ अल–किद्रेहले घोषणा गरेका छन् । इजरायली सेनाले गरेको भीषण बमबारीमा आइतबार र सोमबार कम्तीमा २९२ जना प्यालेस्टाइनीको मृत्यु भएको छ ।

गाजामा युद्ध सुरु भएयता मारिनेमा चार हजारभन्दा बढी बालबालिकासहित अधिकांश सर्वसाधारण रहेका छन् ।अक्टोबर ७ मा हमासले गरेको आक्रमणका कारण दक्षिणी इजरायलमा एक हजार ४०० जनाको मृत्यु भएको इजरायली अधिकारीहरूले बताएका छन् ।