- ६ भाद्र २०८३, शनिबार / Aug 22, 2026
काठमाडौं । हमासबीचको युद्धको आज २६औं दिन । इजरायलले उत्तरी गाजामा रहेको सबैभन्दा ठूलो जबलिया शरणार्थी शिविरमा आक्रमण गरेको छ ।
इजरायली सेनाले यस हमलामा हमासका वरिष्ठ कमाण्डर इब्राहिम बियारीसहित ५० लडाकू मारिएको दाबी गरेको छ । गाजाको स्वास्थ्य मन्त्रालयले इजरायली आक्रमणमा दर्जनौंको मृत्यु भएको र सयौं घाइते भएको बताएको छ ।
इजरायली सेनाले यस अवधिमा आफ्ना ११ सैनिकले पनि ज्यान गुमाएको बताएको छ ।
गाजाको जबलिया क्षेत्रमा रहेको शरणार्थी शिविर करिब १.४ वर्ग किलोमिटर क्षेत्रफलमा फैलिएको छ । आक्रमण हुनुअघि यहाँ करिब १ लाख १६ हजार मानिसले शरण लिएका थिए ।
अर्कोतर्फ इजरायली आक्रमणका कारण गाजामा सञ्चार र इन्टरनेट सेवा फेरि ठप्प भएको छ ।
जसका कारण गाजाका २० लाखभन्दा बढी मानिस संसारबाट विच्छेद भएका छन् ।
