- ३२ असार २०८३, बिहीबार / Jul 16, 2026
काठमाडौं । बंगालको खाडीमा आएको ‘गुलाब’ चक्रवातको असरले आज वर्षाको सम्भावना रहेको मौसम पूर्वानुमान महाशाखाले जनाएको छ । नेपालमा खासै असर नपरे पनि मौसममा बदली र देशभर सामान्यदेखि मध्यम वर्षाको सम्भावना रहेको महाशखाको ठहर छ ।
असोज ८ गते बंगालको खाडीबाट विकसित भएको ‘गुलाब’ नामक शक्तिशाली चक्रवात असोज १० गते भारतको उडिसामा जमिनमा अवतरण भएको र उक्त चक्रवात अहिले न्यून चापीय क्षेत्रका रूपमा पश्चिमतर्फ अगाडि बढिरहेकाले त्यसको अप्रत्यक्ष परिधीय असरले नेपालमा आंशिकदेखि सामान्यसम्म मौसम बदलीको अवस्था हुन सक्ने मौसम पूर्वानुमान महाशाखाले जनाएको छ ।
मंगलबार बिहान चितवनमा मध्यमस्तरको वर्षा भएको छ भने दिउँसो काठमाडौं उपत्यकासहित देशभरका केही स्थानमा सामान्यदेखि मध्यमस्तरको वर्षा हुन सक्ने मौसमविद् राजु प्रधानांगले बताए ।
