गोकुल बास्कोटाको घरमा प्रेसरकुकर बम भएको आशंका

काठमाडौं । एमालेका नेता तथा काभ्रेबाट निर्वाचित सांसद गोकुल बास्कोटाको घरमा शंकास्पद वस्तु फेला परेको छ ।

भक्तपुरको लोकन्थलीस्थित बास्कोटाको घरमा शंकास्पद वस्तु फेला परेको प्रहरीले जनाएको छ ।

घरको कम्पाउण्डमा प्रेसरकुकरमा राखिएको अवस्थामा बम जस्तो वस्तु भेटिएपछि प्रहरीको टोली घटनास्थल पुगेको छ ।

नवनिर्वाचित बास्कोटा भने काभ्रेस्थित आफ्नै घरमा रहेको बुझिएको छ ।

बिहान पसल जाने क्रममा छिमेकीले घरको पेटीमा प्रेसरकुकरमा शंकास्पद बस्तु देखिएपछि प्रहरीलाई खबर गरेका थिए ।