- २८ असार २०८३, आईतवार / Jul 12, 2026
विराटनगर । मोरङ प्रहरीले ग्याङ फाइट गर्न भन्दै हिँडेका युवा समूहलाई पक्राउ गरेको छ। प्रहरीले उनीहरुलाई विराटनगर ९ घोघापुल चोकबाट पक्राउ गरेको हो । पक्राउ पर्नेमा कटहरी ४ का १८ वर्षीय शेषकवि अलि, सुनसरी बर्जू गाउँपालिकाको विजय चौधरी, सोही ठाउँका राहुल दास र १९ वर्षीय ललनकुमार मेहतासहित १५ जना रहेका छन्।
१५ जनाको समूहलाई मोरङ प्रहरीले (शुक्रबार) दिउँसो तरबारसहित पक्राउ गरेको जिल्ला प्रहरी कार्यालय मोरङले जनाएको छ । ग्याङ फाइट गर्न हिँडेको सूचना प्राप्त भएपछि तत्कालै घटनास्थलमा टोली खटाएकाले ठूलो घटना हुनबाट टरेको प्रहरीले जनाएको छ ।
पक्राउ परेका अन्य १२ जना नाबालक रहेकोले प्रहरीले अन्यको नाम गोप्य राखेको छ। पक्राउ परेका अलिको साथबाट प्रहरीले तरवाल फेला पारेको छ। भने, उनीहरूको साथबाट प्रहरीले खुँडा, लाडी र नखल लगायतका हातहतियार बरामद गरेको छ।
पक्राउ परेका अलिको समूह विराटनगरको घोगा पुल चोकमा जम्मा भएर दुई वटा सिटीमा ग्याङ फाइट गर्ने उद्देश्यले शान्ति चोक जान भनेर हिँडेका थिए। युवतीको विषयलाई लिएर ग्याङ फाइट गर्न हिँडेको प्रहरीले जनाएको छ। पक्राउ पर्ने मोरङ र सुनसरीका रहेको प्रहरीले जनाएको छ।
