- २९ जेष्ठ २०८३, शुक्रबार / Jun 12, 2026
भक्तपुर । नगरकोटको पर्यटन प्रवर्द्धनमा टेवा पुयाउने उद्देश्यले नगरकोट सडक महोत्सव २०८० असोज २६, २७ र २८ सम्म गरिने भएको थियो ।
तर जलवायु प्रतिकुल मौसमको असर र कार्यक्रम स्थलसंग जोडिएको सडक निर्माण कार्य पुर्ण रुपमा सम्पन्न नभएको भन्दै सडक महोत्सव कार्तिक २३, २४ र २५ गते हुने आयोजकले जनाएको छ ।
नगरकोट भ्रमण वर्ष २०८२ लाई लक्षित गरि नगरकोट सडक महोत्सव गर्न लागिएको हो ।
तीन दिन सञ्चालन हुने महोत्सवमा प्राकृतिक सम्पदा, कला र संस्कृति पर्यापर्यटनको विकास नगरकोटको उन्नति भन्ने मूल नाराका तय भएको नगरकोट नाल्दुम पर्यटन विकास समितिले जनाएको छ ।
साे समयमा उपयुक्त नदेखिएकाले महोत्सवको मिति सारिएको नगरकोट नाल्दुम पर्यटन विकास समितिका अध्यक्ष नविन गरुङले बताए । समितिले शुक्रबार विज्ञप्ती जारी गर्दै मिति परिवर्तन गरिएकोप्रति क्षमायाचना गर्दै कार्तिक २३, २४ र २५ गतेको सडक महोत्सवमा सहभागि हुन आग्रह समेत गरेको छ ।
हेर्नुहोस विज्ञप्ती..
