घरेलु हतियार प्रहार गरी युवकको हत्या

बझाङ । घरेलु हतियार खुँडा प्रहार गरी एक युवकको हत्या भएको छ।

छवीसपाथिभेरा गाउँपालिका वडा नम्बर ३ पाटागाउँका २७ वर्षका अमृत सिंहको खुँडा प्रहारबाट हत्या भएको बझाङका प्रमुख प्रहरी नायब उपरीक्षक रूपक खड्काले बताए। बन्नीचौर माध्यमिक विद्यालय व्यवस्थापन समितिको चुनाव सकेर मंगलबार साँझ ८ बजेको समयमा घर फर्किने क्रममा विवाद हुँदा खुँडा प्रहारबाट सिंहको मृत्यु भएको हो उनको भनाईछ ।

हत्या गर्ने मध्ये एक जना सोही गाउँपालिका वडा नम्बर २ का ज्ञानबहादुर कडायतलाइ प्रहरीले पक्राउ गरेको छ। प्रकाश ऐरी भने फरार भएकाले खोजी जारी रहेको छ ।