घुसलिदै गर्दा मालपोतका अधिकृत पक्राउ

कञ्चनपुर । मालपोत कार्यालय कञ्चनपुरका एक अधिकृत घुस रकमसहित पक्राउ परेका छन् ।

अधिकृत लोकराज जोशीलाई बिहीबार २४ हजार रुपैयाँसहित अख्तियार दुरुपयोग अनुसन्धान आयोग महेन्द्रनगरको टोलीले पक्राउ गरेको हो ।सेवाग्राहीबाट २४ हजार नगद लिइरहेको अवस्थामा जोशीलाई एक होटलबाट पक्राउ गरिएको अख्तियार दुरुपयोग अनुसन्धान आयोगको कार्यालयले जनाएको छ ।

जग्गाको अंशबण्डामा सहजिकरण गरिदिने भन्दै सेवाग्राहीबाट घुस लिँदै गर्दा अधिकृत जोशी अख्तियारको फन्दामा परेका हुन । यसभन्दा पहिले पनि मालपोत कर्मचारी डेढ लाख नगदसहित पक्राउ परेका थिए ।