- ६ कार्तिक २०८३, शुक्रबार / Oct 23, 2026
बैतडी । सुदूरपश्चिम प्रदेशका तीन जिल्ला बैतडी, बझाङ र दार्चुला जोड्ने मुख्य बजार पाटन नगरपालिका–८ खोडपेमा खानेपानीको चरम अभाव भएको छ । पाँच दिनदेखि खानेपानीको चरम अभाव भएको हो ।
खानेपानी आपूर्ति गर्दै आएको सिद्धेश्वर खानेपानी योजनामामा समस्या आएपछि यहाँ खानेपानीको समस्या आएको योजनाका सचिव मोहन बिष्टले जानकारी दिए ।लिफ्टिङ प्रणालीबाट सञ्चालन हुँदै आएको भए पनि हाल त्यस क्षेत्रको विद्युत्मा खराबी आउँदा खानेपानी सेवा अवरुद्ध भएको हो ।
खानेपानीको हाहाकार भएपछि होटेल व्यवसाय र कार्यालय समस्यामा परेका छन् । खानेपानीको समस्या समाधानको लागि पहल भइरहेको पाटन नगरपालिका–८ का वडाध्यक्ष हरिश बिष्टले बताए।
लिफ्टिङ प्रणालीबाट सञ्चालन भएको खानेपानी आयोजनामा समस्या हुँदै आएकाले खोडपेमा सधै खानेपानीको अभाव हुने गरेको छ ।
