- १८ श्रावण २०८३, सोमबार / Aug 3, 2026
भक्तपुर । राष्ट्रिय प्रजातन्त्र पार्टीका तर्फबाट चाँगुनारायण नगरपालिका वडा नं. ६ को अध्यक्षमा धनबहादुर लामा विजयी भएका छन् । उनले एक हजार ४ सय ११ मत प्राप्त गरेका छन् ।
वडा सदस्यमा वीरमान तामाङ, आरती लामा, हरिप्रसाद लामिछाने र सोनु विक निर्वाचित भएका छन् । एमालेका उम्मेदवार विष्णु लामालाई एक हजार २०३ मतमा सीमित गरेर राप्रपाले विजयको झण्डा गाडेको हो ।
नगरकोटबासीले राप्रपालाई जिताएर लगाएको गुणको बदलामा विकास निर्वाण देखि सबै समस्याको हल गर्ने अध्यक्ष तामाङले बताए । पाँच वर्षअघि एमालेबाट हारेका उनले योपटक एमालेलाई नै हराएका छन् ।
जनताको चाहनाअनुसार नगरकोटको विकासले फड्को मार्ने जितपछि धनबहादुर लामाले बताए । यो जित आफ्नो मात्र नभएर जनताको विजय र नगरकोटवासीको विजय भएको उनको भनाइ छ ।
२०५४ देखि एमालेको पकडमा रहेको यहाँ अहिले राप्रपाले बाजी मारेको भनेर स्थानीयले चर्चा गरिरहेका छन् ।
