- ३० श्रावण २०८३, शनिबार / Aug 15, 2026
काठमाडौं । रसुवामा निर्माण कम्पनीले जिम्मा लिएको काम नगर्दा रसुवामा चार वर्षदेखि निर्माणाधीन चारवटा स्वास्थ्यचौकी भवन अलपत्र परेका छन् ।
कालिका गाउँपालिका–१ मा निर्माणाधीन राम्चे उत्तरगया गाउँपालिका–३ को ठूलोगाउँ आमाछोदिङमो गाउँपालिका–१ को हाकु गोसाइकुण्ड गाउँपालिका ५ को स्याफ्रुबेशी स्वास्थ्यचौकी निर्माण सम्पन्न नगर्दा अलपत्र परेको हो ।
दुई बर्षमा काम सम्पन्न गर्ने गरि जिम्मा लिएको ओमबुद्ध इन्टरनेशनल कन्ट्रक्सन प्रालिले चार बर्ष बितिसक्दा पनि काम सम्पन्न नगर्दा जिल्लाका चारवटा स्वास्थ्य चौकी भवन अलपत्र परेको गोसाइकुण्ड गाउँपालिकाका स्वास्थ्य साखा प्रमुख बिमल घिमिरेले बताए ।
कतिपय भवनको काम ८० प्रतिशत भईसकेको सघन शहरी तथा भवन कार्यालय जिल्ला आयोजना कार्यान्वयन ईकाइले जनाएको छ ।आधारभूत स्वास्थ्य सेवा प्रवाह गर्नका लागि निर्माण गरिएका भवन अलपत्र भएपछि नागरिकको स्वास्थ्य सेवा पाउने अधिकार प्रभावित भएको स्थानीयको भनाई छ ।
