- २ असार २०८३, मंगलवार / Jun 16, 2026
पोखरा । उपचारको क्रममा बिरामीको मृत्यु भएपछि आफन्तले मणिपाल शिक्षण अस्पतालका चिकित्सकमाथि हातपात गरेका छन् ।
चिकित्सकमाथि हातपात भएपछि अस्पताल परिसर तनावग्रस्त बनेको छ। लम्जुङको सुन्दरबजार नगरपालिका–६की ५७ वर्षिया सुकमाया दुराको उपचारको क्रममा मृत्यु भएको थियो ।
बिरामीको मृत्यु भएपछि आक्रोशित आफन्तले चिकित्सकमाथि हातपात गरेको कास्कीका प्रहरी प्रवक्ता डिएसपी श्रवण विकले बताए ।
डिएपी विकले भने, ‘चिकित्सकमाथि हातपात भएपछि केही तनाव उत्पन्न भएको हो । अहिले ठुलो संख्यामा प्रहरी परिचालन गरिएको छ ।’
चिकित्सकमाथि हातपात गर्ने बिरामीका आफन्त पहिचान गर्ने प्रयास भईरहेको छ भने अस्पतालले यसबारे कुनै जानकारी दिएको छैन ।
