चितुवले आक्रमण गर्दा नौ वर्षीय बालिकाको मृत्यु

बैतडी । बैतडीको मेलौली नगरपालिकाकी नौ वर्षीय एक बालिकाको चितुवले आक्रमण गर्दा मृत्यु भएको छ । नगरपालिका वडा नं. ९ की सीता लुहारको ओछ्यानमै सतिरहेका बेला चितुवाले आक्रमण गरेको हो ।

चितुवाले मंगलबार बिहान ४ बजे आक्रमण गरेर लगेको बालिकाको शव ५ सय मिटर दुरीमा फेला परेको प्रहरीले जानकारी दिएको छ । फागुन २१ गते राति शिवनाथ गाउँपालिका–४ का हर्कबहादुर साउदलाई पनि चितुवाले आक्रमण गरी घाइते बनाएको प्रहरी नायब उपरीक्षक डिल्लीनारायण पाण्डे बताए ।

चितुवाले बैतडीमा २०६८ यता २५ जनाको ज्यान लिइसकेको उनको भनाई छ ।