- २३ असार २०८३, मंगलवार / Jul 7, 2026
काभ्रे । इतिहासका महत्वपूर्ण कालखण्डमा प्रविधि क्षेत्रमा पर्याप्त लगानी गर्न, प्राविधिक, वैज्ञानिक एवम् व्यवस्थापकीय जनशक्ति उत्पादन गर्न र युगसापेक्ष प्रविधिको विकास गर्न पछि परेको कारण नेपाल अपेक्षित विकासको मार्गमा अघि बढ्न नसकेको राष्ट्रपति रामचन्द्र पौडेलले बताएका छन् ।
धुलिखेलमा रहेको काठमाडौ विश्वविद्यालयको नेपाल टेक्नोलोजी इनोभेसन सेन्टर भवनको उद्घाटन गर्दै पौडेलले भविष्यको पुस्तालाई व्यापक र द्रुत आयाममा प्रविधिमय हुँदै गएको विश्वसँग प्रस्तिस्पर्धा गर्न सक्षम बनाउनुको विकल्प नभएको बताए ।
मुलुकको लागि अनुसन्धान तथा नविन प्रविधिको सुरुवात भएको एक ऐतिहासिक क्षण भएको भन्दै यसले निरन्तर र फलदायी सञ्चालनको आधार पाएको बताए ।
