- १४ आश्विन २०८३, बुधबार / Sep 30, 2026
काठमाडौं । माघी पर्व सामाजिक सद्भावको उदाहरण भएको भन्दै प्रधानमन्त्री शेरबहादुर देउवाले माघी तथा माघे संक्रान्ति पर्वको शुभकामना सन्देश जारी गरेका छन् । प्रधानमन्त्री देउवाले विशिष्ट पहिचान भएको माघी सामाजिक सद्भावको उदाहरण भएको बताए ।
कोभिड–१९ महामारी नियन्त्रणका लागि अवलम्बन गरेका हालसम्मका प्रयास प्रभावकारी देखिए पनि सरकारले जारी गरेका जनस्वास्थ्यका मापदण्डको पूर्ण पालना गर्दै यो पर्व हर्षोल्लासपूर्वक मनाउन आग्रह गरेका हुन ।
माघी तथा माघे संक्रान्ति पर्वले समस्त नेपालीबीच आपसी सम्बन्ध अझ प्रगाढ बनाउन मद्दत पुग्नेसमेत विश्वास व्यक्त गर्दै उनले पारस्परिक सद्भाव र सहिष्णुताको भावनालाई अझ प्रगाढ र सुदृढ बनाउन प्रेरणा प्रदान हुने बताए । थारु समुदायमा माघी र अन्य समुदायमा माघे संक्रान्ति नामले चिनिने यो पर्व हाल नेपालको एक विशिष्ट पहिचानसहितको पर्वका रूपमा मनाइँदै आएको छ ।
