- १० असार २०८३, बुधबार / Jun 24, 2026
काठमाडौं । पोखराकी १६ वर्षीया किशोरी उमालाई दिल्लीमा ब्युटीपार्लरको जागिर हुने र महिनाको ३० हजार भारुसम्म पारिश्रमिक पाइने लोभ देखाएर लगियो । १० हजार रुपैयाँ मुस्किलले पाइने क्याफेको जागिर छोडेर उनी आयुषको प्रस्तावमा लोभिइन् ।
फोन सम्पर्कबाट उमा काठमाडौं आइन र एक महिलाको साथ लागेर उनीसहित दुई किशोरी नेपालगन्ज हुँदै भारत छिरे । चोरबाटो हुँदै सीमा कटाइयो । ‘सीमा कटाएपछि एउटा ट्याक्सीमा हालेर उनीहरुलाई दिल्ली पु¥याएको उमाले सुनाइन् ।
दिल्ली पुगेको भोलिपल्टै उमालाई यौन ग्राहकलाई भेटाइयो । सुरुमा त उनले कुरा बुझिनन् । फ्ल्याटमा सँगै रहेका अन्य युवतीले प्रस्ट्याइदिएपछि उनी छागाबाट खसेजस्तै भइन् । धाकधम्की दिँदै यसमा लागे महिनाको एक लाख भारु कमाइ हुने प्रलोभन देखाइयो ।
त्यसपछि उमालाई दिनहुँ ग्राहककामा पठाउन थालियो । दिनमा ६ जनासम्मकहाँ जानुपरेको सुनाइन् । बिरामी हुँदा र महिनावारी भएका बेला पनि आराम पाइनन् । त्यसपछि एक समूहले शनिबार साँझ उमालगायत ९ किशोरीको उद्धार गरियो ।
दिल्ली प्रहरी, किन इन्डिया र शक्ति समूहको संयुक्त टोलीले ती किशोरीलाई एकै दिन उद्धार गरेको हो । एउटै फ्ल्याटबाट उद्धार गरिएका उनीहरू १६ देखि १८ वर्षसम्मका रहेका छन् ।
