- ६ श्रावण २०८३, बुधबार / Jul 22, 2026
जाजरकोट । आइतबार बिहान कुदु बराहचौकनजिक बस दुर्घटना हुँदा ५ जनाको मृत्यु भएको छ । दुर्घटनामा २७ जना घाइते भएका छन् ।
नेपालगन्जदेखि रुकुम पश्चिमको राडिबजार जाँदै गरेको ना ६ ख २७५७ नम्बरको रात्री बस भेरी नगरपालिका कुदु बराहचौकनजिक दुर्घटना भएको प्रहरीले जनाएको छ ।
घटनामा ५ जनाको घटनास्थलमै मृत्यु भएको प्रहरीले पुष्टी गरेको हो । सडकभन्दा करिब १ सय ५० मिटर तल बस खसेको हो । बसमा ३२ जना यात्रु सवार रहेका थिए ।
घाइते २७ जनालाई प्रहरीले आफ्नै दुई वटा गाडीमा र अन्य बसमा उद्धार गरी जिल्ला अस्पताल जाजरकोटमा ल्याएको जाजरकोट डीएसपी मधुकुमार थापाले बताए ।
राति बस दुर्घटना भएका कारण उद्धारमा ढिलाई भएको उनको भनाइ छ । दुर्घटनामा मृत्यु भएकाहरुको सनाखत भइरहेको प्रहरीले जनाएको छ ।
