जीप दुर्घटनामा एकको मृत्यु, १६ जना घाइते

मोरङ । लेटाङमा जीप दुर्घटना हुँदा एक जनाको मृत्यु भएको छ भने दुर्घटनामा १६ जना घाइते भएका छन् ।

कच्चीसडक खण्डमा लेटाङबाट कुवापानीतर्फ जाँदै गरेको को १ ज ३२६२ नम्बरको जीप अनियन्त्रित भएर लेटाङ– १ अधेरीमा दुर्घटना भएको हो । दुर्घटनामा मोरङको लेटाङ नगरपालिका– १ का ५९ वर्षीय नैनकुमार तामाङको मृत्यु भएको छ ।

गम्भीर अवस्थामा विराट नर्सिङहोम विराटनगर पुर्‍याइएका उनको उपचारका क्रममा उनको मृत्यु भएको प्रहरीले जनाएको छ ।