- १४ असार २०८३, आईतवार / Jun 28, 2026
काठमाडौं । सांसद रेशम चौधरीले नयाँ पार्टी बनाउने भएका छन् । उनले बनाउन लागेको नयाँ पार्टीको आज दर्ता हुँदैछ । डिल्लीबजार कारागारमा रहेका चौधरीले निर्वाचन आयोगमा झाँकीसहित गएर नयाँ पार्टी दर्ता गर्ने तयारी रहेको छ ।
नयाँ पार्टीको नाम नागरिक उन्मुक्ति पार्टी राखेका छन् । चौधरी आफू जेलमा रहेकाले आफ्नै नाममा दर्ता गर्न उनले पाएनन् । श्रीमतीको अध्यक्षतामा नयाँ पार्टी दर्ता गर्ने पक्का भएको छ ।
पार्टी दर्ता गर्ने प्रक्रियामा चौधरी निर्वाचन आयोग जान्छन् या जादैनन् भन्ने कुरा अहिलेसम्म खुलेको छैन । टीकापुर घटनामा एसएसपी लक्ष्मण न्योपानेसहित ८ जनाको हत्या आरोपमा चौधरी अहिले पनि जेलमा छन् ।
जेलबाट नै मनोनयन दर्ता गरेर गत संघीय निर्वाचनमा चौधरी भारी मतले जितेका थिए । तत्कालीन सभामुख कृष्णबहादुर महराको कार्यालयमा नै गएर संसद् पदको सपथ पनि लिएका थिए ।सपथ लिएसंगै उनलाई फेरि सोझै कारागार चलान गरिएको थियो ।
