- १५ भाद्र २०८३, सोमबार / Aug 31, 2026
सिन्धुली । कमलामाई नगरपालिका २ पिपलभन्ज्याङमा प्रहरी र स्थानीयबीचन झडप भएको छ । वीपी राजमार्ग खुलाउन प्रहरीले बन्दकर्तालाई लखेट्न खोजेपछि दोहोरो झडप भएको स्थानीयले बताएका छन् ।
झडपमा परी ११ जना प्रहरी घाइते भएका छन् । अहिले उनीहरूको सिन्धुली अस्पतालमा उपचार भइरहेको छ । घाइते ३ जनालाई गम्भीर चोट लागेको छ । झडप हुँदा रोकी राखेका केही सवारी साधनमा क्षति पुगेको छ ।
बन्दकर्ताले ढुङ्गा, खाली बोतल र दाउरा प्रहार गरिरहेका छन् भने प्रहरीले अश्रुग्याँस र हवाइ फायर गरेको छ । बोलेरोको ठक्करबाट गम्भीर घाइते भएका पैदलयात्री ३९ वर्षीय विजय मोक्तानको मृत्यु भएपछि स्थानीयले कारबाहीको माग गर्दै बिहानैदेखि सडक अवरुद्ध गरेका थिए ।
झडप रोक्न र अवरुद्ध राजमार्ग खुलाउन प्रहरी पुग्दा झडप भएको प्रमुख जिल्ला अधिकारी रमेश न्यौपानेले बताए ।
