टीओआरमा सहमति जुटाउने प्रयास असफल

काठमाडौं । सहकारी ठगी प्रकरण छानबिन गर्न बनाउने भनिएको संसदीय समितिको कार्यादेश (टीओआर) तय गर्न कार्यदलको बैठकमा सहमति जुट्न सकेको छैन ।

सत्ता पक्ष र विपक्षबीच लामो छलफलपछि छानबिन गर्न समिति बनाउन सहमत भएर समितिको क्षेत्राधिकार टुंगो लगाउन बसेको बैठक निष्कर्ष विहिन भएको छ । कानुनमन्त्री पदम गिरीको संयोजकत्वमा ४ सदस्यीय कार्यदल गठन भएको छ ।

तर, विभिन्न चरणमा छलफल हुँदा पनि कार्यदेशमा सहमति हुन नसकेको काग्रेस नेता जीवन परियारले बताए । कार्यदेशमा सत्ता पक्ष र प्रतिपक्षबीच उपप्रधान एवम् गृहमन्त्री रवि लामिछाने लगायतको नाम उल्लेख गर्ने वा नगर्ने विषयमा सहमति हुन नसकेको उनको भनाइ छ ।