- ३ कार्तिक २०८३, मंगलवार / Oct 20, 2026
भक्तपुर । डा.इवामुरा अस्पतालको लापर्वाहीले हिंडेर उपचार गर्न गएकाको ज्यान जोखिममा परेको छ । विरामीको ज्यान जोखिममा परेपछि स्थानीयले अस्पताल घेराउ गरी विरोध प्रदर्शन गरेका थिए । पीडित व्यक्तिका घरपरिवार, आफन्त र स्थानीयले अस्पताल घेराउ गर्दै विरोध प्रदर्शन गरेपछि बिहीबार नै दुईपक्षीय सहमति भएको छ ।
पीडित परिवार र अस्पतालबीच बिरामी लक्ष्मीकुमार लाखाजुको उपचारमा लाग्ने सम्पूर्ण खर्च इवामुरा अस्पतालले व्यहोर्ने भएको छ । लक्ष्मीकुमारको इवामुरा र नर्भिक अस्पतालमा उपचार गर्दा लाग्ने सम्पूर्ण खर्च इवामुरा अस्पतालले व्यहोर्ने सहमति भएको हो । सहमतिसँगै अस्पतालमा बिरामीका घरपरिवार, आफन्त तथा सर्वसाधारणले गरेको विरोध प्रदर्शन स्थगित भएको छ ।
भक्तपुरको सल्लाघारीस्थित इवामुरा अस्पतालले गत शुक्रवार हिंडेर इन्डोस्कोपी गर्न गएका भक्तपुर चोर्चाका ४७ वर्षीय लक्ष्मीकुमार लाखाजुको ज्यान जोखिममा पारेको विरुद्धमा विहिवार दिनभर अस्पताल क्षेत्र तनावग्रस्त रहेको थियो । अस्पतालको लापर्वाही र चिकित्सकको हेलचक्र्याँइका कारण इन्डोस्कोपी गर्दा भित्री अंगमा असर पुग्दा लाखाजु अन्तिम अवस्थामा रहेको परिवारस्रोतले जनाएको छ ।
यस्ताे थियाे अवस्था…
https://www.facebook.com/Kailashkhabarnews/videos/701077907164824/
