- २६ भाद्र २०८३, शुक्रबार / Sep 11, 2026
काठमाडौं । ‘डिभि’ परेर अमेरिका पुगेकी नेपाली चेली अन्तरिक्ष यात्री बनिन् भन्दा अनौठो लाग्ला तर यस्तै भइदिएको छ । दाङ भालुवाङकी ज्योती केसी पाँच वर्षअघि परिवारको लालनपालनको जोहो पुरा गर्ने लक्ष्यसहित अमेरिका हानिएकी थिइन् ।
उनको त्यो यात्रा पारिवारिक आर्थिक स्तर माथि उकास्ने मात्रै बनेन अमेरिकाको खोज अध्ययन अनुसन्धान महत्वपूर्ण पाटो बनिदियो । अमेरिकी जागिरे यात्राले उनी बृहत अध्ययन पाटो बनिन् । त्यो अध्यनले ज्योती केसी अन्तरिक्षयात्री बनेर घर फर्किएपछि परिवारमा खुशीको सिमानै रहेन ।
साहेद केसी नै नेपालको पहिलो अन्तरिक्षयात्री हुन् भन्न सकिन्छ । अमेरिका पुगेको तीन महिनादेखिनै उनले अमेरिकी वायु सेना बन्ने तयारी थालेकी उनलाई अमेरिकी सरकारले छनौट गर्यो । अन्तरिक्षयात्री बन्नका लागि उनले दुई हप्ताको तालिम लगिन् । अन्तरिक्ष यात्रीका लागि योग्य बन्न सफल हुँदा उनमा खुशीको सीमा रहेन ।
ज्योतीले भनिन्, ‘खाना, सुत्ने व्यवस्थापन देखि सबै व्यवस्थापन यानभित्रै गरिएको हुन्छ। ‘हामीहरु खाना, सुत्ने सबै त्यहि आईशोलेशन भित्रै हुन्छ, आईशोलेशन भित्र ५ देखि ६ जना मात्रै अट्ने सानो ठाउँ हुन्छ।
त्यसमा कडा मेहनत ग¥यौं ।’ पोल्याण्डमा अन्तरिक्ष यात्रीको कोर्ष पूरा गरेर अन्तरिक्ष यात्री बनेकी ज्योती अब नासासंगको सहकार्यमा रिसर्चका लागि उड्ने योजनामा रहेकी छन् । नेपालबाट अमेरिका फर्केपछि उनको प्रयास अमेरिकी एयर फोर्समै रहेर अन्तरिक्ष यात्रा साकार पार्ने तयारीमा छन् ।
मध्यमवर्गी परिवारकी ज्योतीको यो सफलताले राष्ट्रको सान पनि उच्चो हुदैछ । छोरीलाई नेपालकै छोरी बनेको हेर्न चाहेको ज्योतीका बुवा नरबहादुर केसीले बताए । आफ्नै देशमा अबसर गुमेका बेला अमेरिकामा यति ठूलो सफता मिल्नु आफ्ना लागि निकै हर्षको बिषय भएको बताए ।
