डेढ लाख घुसखाँदा खादै कर अधिकृत रंगेहात पक्राउ

जनकपुर । एकजना विचौलियाबाट घुस खान लाग्दा रंगेहात आन्तरिक राजस्व कार्यालय जनकपुरधामका कर अधिकृत पक्राउ परेका छन् ।

कर अधिकृत रमेश ढकाल र विचौलिया नवीन कर्णले सेवाग्राहीबाट १ लाख ५० हजार रुपैयाँ घुस लिँदै गर्दा उनलाई पक्राउ गरिएको अख्तियार दुरुपयोग अनुसन्धान आयोगले जनाएको छ ।

अन्नपूर्ण होटेलमा बसेर सेवाग्राहीसँग घुस लिँदै गर्दा अधिकृत सहित विचौलिया पनि पक्राउ परेको प्रहरीले जनाएको छ । डिष्टिलरी उद्योगीसँग कर वापतको रकम मिलाइदिने नाममा घुस लिएको अख्तियार अधिकारीको भनाइ छ । अनुसन्धान गरेर थप कारबाही गरिने प्रहरीको भनाई छ ।