ढुवानी रोकेरै खाेपका लागि आन्दोलन

काठमाडौं । चालकहरूको आन्दोलनका कारण अमलेखगन्ज डिपोमा भारतबाट हुने पेट्रोलको आयात ठप्प भएको छ । बागमती प्रादेशिक डिपो थानकोट र यहाँबाट प्रदेशभरिका पम्पहरूमा हुने ढुवानी पनि अवरुद्ध भएको छ ।

निषेधाज्ञाले पेट्रोलियम खपत न्यून रहेका कारण असर कम देखिए पनि चालकहरूको आन्दोलनले वितरण प्रणाली अवरुद्ध भएको थानकोट डिपोले जनाएको छ । आन्दोलित ट्यांकर चालकहरूले कोरोनाको खोप लगाउनु पर्ने माग राखेका छन् ।

आफूहरूमाथि अन्याय भएको भन्दै विराटनगर, भैरहवा र नेपालगञ्ज डिपोले आफ्नो मातहतका चालकलाई खोप लगाएको र आफुहरुले पनि आवश्यक ठाउँमा पत्राचार गरेको तर खोप नदिएकाले दबाब दिन सेवा अवरुद्ध गरिएको डिपो प्रमुख ले जानकारी दिए ।