- १० असार २०८३, बुधबार / Jun 24, 2026
काठमाडौं । नेकपा एकीकृत समाजवादीले सरकारमा सहभागी हुन आफुहरुले तीन मन्त्रालय पाउनु पर्ने अडान राखेको छ । बुधबार बसेको बैठकले तीन मन्त्रालयको निश्चित नभएसम्म सरकारमा नजाने निर्णय गरेको बताउँदै प्रवक्ता जगन्नाथ खतिवडाले नेकपा एकीकृत समाजवादीको अडानका बारेमा प्रधानमन्त्री पुुष्पकमल दाहाल प्रचण्डलाई जानकारी गराएको बताए ।
प्रवक्ता खतिवडाले भने, ‘हाम्रो पार्टीको बैठकले तीन मन्त्रालयको अडान राखेको र यसका बारेमा प्रधानमन्त्री प्रचण्डलाई जानकारी गराइएको छ । अब हामी उहाको जवाफ पर्खेर बसेका छौं । हामीले जवाफ पाउँने वित्तिकै सरकारमा सहभागि हुने मन्त्रीहरुको नाम पठाउँने छौं । हामी सम्पूर्णरुपमा तयारी अवस्थामा छौं । मात्र प्रधानमन्त्रीको जवाफ कुरेका छौं ।’
त्यस्तै प्रवक्ता खतिवडाले सरकारमा जान तीन मन्त्रालयको माग रहेको र उक्त तीन मन्त्रालय नपाएसम्म नेकपा एस सरकारमा सहभागि नहुने स्पष्ट पारे ।
नेकपा एकीकृत समाजवादी पार्टीले सरकार निर्माण लगायत राष्ट्रपति, उपराष्ट्रपति, सभामुख र उपसभामुख निर्वाचनमा धेरै त्याग गरेको बताउँदै प्रवक्ता खतिवडाले यस पटकको सरकारमा सम्मानजनक हैसियतमा सहभागी गराउनुपर्ने उडान राखे ।
