तीर्थयात्री बोकेको रेलमा आगलागी हुँदा भारतमा आठ जनाको मृत्यु

एजेन्सी । तीर्थयात्री बोकेको रेलमा आगलागी हुँदा भारतमा आठ जनाको मृत्यु भएको छ । भारतको तमिलनाडुको मदुरै रेलवे स्टेसन नजिकै रेलमा आगलागि हुँदा ८ जनाको मृत्यु भएको हो ।

तीर्थयात्रीहरू शनिवार बिहान मदुरै पुगेका थिए । उनीहरुले शुक्रबार नागरकोइलस्थित पद्मनाभ स्वामी मन्दिरको दर्शन गरेका थिए । यो रेल मदुरै रेलवे स्टेसनबाट करिब एक किलोमिटर टाढा थियो । १७ अगस्टमा लखनउबाट ६० भन्दा बढी तीर्थयात्री रेलबाट सामी दर्शनका लागि दक्षिण भारत गएका थिए ।

अधिकारीहरूले यस विषयमा अनुसन्धान गरिरहेका छन् र हालसम्म आठ शव बरामद गरिएको छ । एक प्रत्यक्षदर्शीले बीबीसीको तमिल सेवालाई केही यात्रुहरूले सिलिन्डर प्रयोग गरेर चिया बनाउँदै गर्दा आगलागी भएको बताए ।