- १४ भाद्र २०८३, आईतवार / Aug 30, 2026
काठमाडौं । सरकारलाई पेट्रोलियम पदार्थ खरिदका लागि सस्तो बजार खोज्न सांसदहरुले सुझाव दिएका छन् ।
चीन लगायतका देशले रुस–युक्र्रेन युद्धपछि सस्तो बजार खोजेर पेट्रोलियम पदार्थ लिने प्रयास गरेको उल्लेख गर्दै नेपाल मजदुर किसान पार्टीका सांसद प्रेम सुवालले पेट्रोलियम पदार्थका लागि भारतको विकल्प खोज्नुपर्ने बताए ।
उनले भने, ‘भारतमा भर पर्दा नेपालमा समस्या भएको हो ।’ नेकपा एमालेका सांसद योगेश भट्टराईले अन्य कतिपय देशरुले पनि पेट्रोलियम पर्दाथ खरिदका लागि सस्तो बजार खोजेको पाएको उल्लेख गरे ।
उनले भने, ‘हामी पनि सस्तो बजार किन खोज्दैनौं ?’ उनले पेट्रोलियम पदार्थमा लगाउँदै आएको कर घटाउन पनि आग्रह गरे । पेट्रोलियम पदार्थ खरिदका लागि सस्तो बजार खोज्न नेपाली कांग्रका सांसद दिव्यमणि राजभण्डारीले आग्रह गरे ।
नेकपा एमालेका सांसद नवराज सिलवालले मुल्यबृद्धि घटाउने, जनतालाई राहत दिने कार्यक्रम ल्याउन सुझाव दिए ।
