- २० श्रावण २०८३, बुधबार / Aug 5, 2026
उदयपुर । त्रियुगा नगरपालिकामा पुनः मतगणना नुहने भएको छ । वडानम्बर १२ मा पुनः मतदानको माग गरे पनि निर्वाचन आयोगले नसुनेरै मतगणना गर्ने निर्णय गरेको हो । आजैदेखि मतगणना सुरु गर्ने मुख्य निर्वाचन अधिकृत उत्तम सिलवालले बताए ।
उनले भने, ‘निर्वाचन आयोगबाट मतगणना गर्ने निर्णय आएको छ, मतगणनाको तयारी गर्दैछौं ।’ मतदानमै विवादित भएसँगै मतगणना स्थगित भएको थियो । पुनः मतदान गर्ने सूचना टाँसिएको तर, मतगणना हुने भनेपछि अहिले त्यहाँको माहोल उत्साहित भएको छ ।
माओवादी केन्द्र, नेकपा (एकीकृत समाजवादी), जनता समाजवादी पार्टी, राप्रपालगायतले पुनः मतदानको माग राखेका थिए । एमाले र कांग्रेसले मत गणनाका लागि दवाव दिदै आएपछि अहिले मतगणनाको तयारी थालेको आयोगले जनाएको छ ।
