- २ भाद्र २०८३, मंगलवार / Aug 18, 2026
काठमाडौं । स्थानीय तहको निर्वाचनको मिति नजिकिँदै गर्दा दलहरू निर्वाचन लक्षित अभियानमा केन्द्रीत हुन थालेका छन् । विभिन्न कार्यक्रममार्फत जनतासँग जोडिने अभियान सुरु गरेका छन् ।
सरकारले वैशाख ३० गते स्थानीय तह निर्वाचनको मिति तोकेको छ । नेपाली कांग्रेस, नेकपा माओवादी केन्द्र र प्रमुख प्रतिपक्ष दल नेकपा एमालेले स्थानीय तह निर्वाचन केन्द्रीत गतिविधिमा तीव्र सक्रियता देखाएका छन् ।
अन्य दलहरू पनि निर्वाचन केन्द्रीत कार्यक्रमसहित जनतामाझ जाने तयारी गरिरहेका छन् । कांग्रेसले स्थानीय तह निर्वाचन लक्षित ‘घरघर जाऔं, कांग्रेस जिताऔं’ भन्ने नारासहित फागुन २९ देखि चैत २९ गतेसम्म १ महिने अभियान सञ्चालन गर्दैछ ।
अभियानको लागि कांग्रेसले केन्द्रीय प्रतिनिधिलाई जिल्ला खटाउने निर्णय गरेको छ । १ महिने अभियानका ८ उद्देश्य समेत तय गरेको कांग्रेसले पार्टीका भ्रातृ तथा शुभेच्छुक संस्थालाई पनि अभियानमा परिचालन गर्ने निर्णय गरेको छ ।
