- २७ बैशाख २०८३, आईतवार / May 10, 2026
काठमाडौं । नबिल बैंकका केही शाखाहरु विजया दशमीको टिकाका दिन बाहेक अन्य दिनहरुमा खूल्ला रहने भएका छन् । उक्त काउन्टरहरुबाट सेवाग्राहीहरुले १० लाख रुपैयाँसम्म डिपोजिट र २ लाख रुपैयाँसम्म पैसा झिक्ने सक्ने व्यवस्था मिलाइएको हो ।
दशैंका बेला पनि बैंकले आफ्नो सेवा प्रवाह नरोकिने गरी केही एक्सटेन्सन काउन्टरहरु खुल्ला राख्ने जनाएको हो । बैंकले धरान शाखा कार्यालयहरूबाट १६ देखि २१ सम्म दिन मिलाएर बिहान १० बजेदेखि १ बजेसम्म विराटनगर, इटहरी, इटहरी पश्चिम लाइनमा खुल्ला हुने जनाएको छ ।
त्यस्तै बीरगञ्ज र जनकपुर शाखा कार्यालयहरूबाट बिहान १० बजेदेखि १ बजेसम्म सेवा प्रवाह हुने बताइएको छ भने बागमती प्रदेशका ललितपुर, कुमारीपाटी–२, बिजुली बजार, घण्टाघर, महाराजगंज खिचापोखरी, न्युरोड, टाँडी, नारायणगढ, हेटौंडा, अमलेखगञ्ज र तातोपानी एक्सटेन्सन काउन्टर टिकाको दिन बाहेक अन्य दिन बिहान १० बजेदेखि १ बजेसम्म खुल्ने छन् ।
बैंकको काठमाडौं तीनधारास्थित ब्रान्च दिउँसो १ बजेदेखि ४ बजेसम्म खुल्नेछ । गण्डकी, लुम्बिनी र सुदूरपश्चिम प्रदेशका शाखा कार्यालयहरु पनि बिहान १० बजेदेखि १ बजेसम्म खुल्ला रहने बताइएको छ ।
