दाङमा गोली लागेर एक जनाकाे मृत्यु

दाङ । सिकार खेल्न गएका दुईजना मध्य एक जनाको गोली लागेर मृत्यु गएको छ । घोराही उपमहानगरपालिका–१३ का ५० वर्षीय टेकबहादुर गुरुङको गोली लागेर घटनास्थलमै ज्यान गएको प्रहरीले जनाएको छ ।

घोराही उपमहानगरपालिका–१२ को जंगलमा शुक्रवार राति यस्तो घटना भएको हो । फोन सम्पर्क समेत नहुने जंगलमा घटना भएकोले थप विवरणहरू आउन बाँकी रहेको प्रहरीको भनाई छ ।

गोली चलाउने व्यक्तिलाई नियन्त्रणमा लिइसकेको दाङका प्रहरी प्रमुख एसपी गणेश चन्दले बताए । नाम सार्वजनिक नगरी घटनाबारे थप अनुसन्धान भइरहेको प्रहरीले जनाएको छ ।