- १ कार्तिक २०८३, आईतवार / Oct 18, 2026
काठमाडौं । काभ्रेली समुहको नाममा काठमाडौंमा अपराधिक घटना गर्दै हिड्ने दुई जनालाई सशस्त्र प्रहरीले पेस्तोल सहित पक्राउ गरेको छ ।
काठमाडौं वडा नं. ५, गहना पोखरीको एक रेष्ट्रो वारबाट आज सशस्त्र प्रहरी बलको इन्टिलिजेन्स व्यूरोको विशेष टालीले पक्राउ गरेको हो ।
पक्राउ पर्नेमा नमोवुद्ध नगरपालिका ११ काभ्रे घर भई हाल काडाँघारी बस्दै आएका अनन्त तामाङ्ग (वर्ष २२) र शिखरआम्वोटे शेसी गाउँपालिका–३ घर भई हाल काडाँघारी बस्दै आएका पोटे लामा ( वर्ष २७) रहेका छन् ।
उनीहरुको साथबाट ९ एम.एमको पेस्तोल, एक म्यागजिन र पाँच राउण्ड गोली बरामद गरिएको प्रहरीले बताएको छ । साथै उनीहरुले प्रयोग गर्दै आएको ०३ प्रदेश ११ प ४३१५ नम्बरको २२० सिसिको प्लसर मोटरसाइकल पनि बरामद गरेको छ ।
उनीहरु नक्कली सुन तथा वुद्धचित्रको लुटपाटमा पनि संलग्न रहेको र थप अनुसन्धानका लागि नेपाल प्रहरीमा बुझाएको सशस्त्र प्रहरी बलले जनाएको छ ।
