- १७ असार २०८३, बुधबार / Jul 1, 2026
काठमाण्डौ । कोशी प्रदेशले नयाँ मुख्यमन्त्री पाएको छ । प्रदेशका नवनियुक्त मुख्यमन्त्री उद्धव थापाले शुक्रबार पद तथा गोपनीयताको शपथ ग्रहण गरेका हुन । थापाले तीन सदस्यीय मन्त्रिपरिषद् गठन गर्दै प्रदेश प्रमुख पर्शुराम खापुङसंग पद तथा गोपनीयतका शपथ लिएका हुन ।
माओेवादी केन्द्रबाट जीवन आचार्यलाई मन्त्री बनाउने तयारी भए पछि विवाद भएको छ । प्रधानमन्त्री पुष्पकमल दाहाल प्रचण्डका कान्छा ज्वाइँ समेत रहेका आचार्य यसअघि पनि एमालेका हिक्मतकुमार कार्की नेतृत्वको सरकारमा पर्यटन, वन तथा वातावरणमन्त्री भएका थिए । थापालाई मुख्यमन्त्री बनाउन हिजो सभामुख बाबुराम गौतमले समेत हस्ताक्षर गरेका थिए । यसको चौतर्फी आलोचना भइरहेको छ ।
मन्त्रिपरिषदमा नेकपा एकीकृत समाजवादी पार्टीका कमल जबेगु र नेपाली कांग्रेसका प्रदीप सुनुवार मन्त्री नियुक्त भएका छन् । माओवादी केन्द्रले भने सरकारमा मन्त्री पठाएको छैन ।
