दुई सङ्क्रमितको मृत्यु

वीरगञ्ज । नारायणी अस्पतालमा उपचार गराइरहेका दुई कोरोना सङ्क्रमितको उपचारका क्रममा मृत्यु भएको छ ।

सर्लाहीको दङ्गाहा–४ निवासी ४३ वर्षीय पुरुष र बाराको शवर्ण नगरपालिका–७ निवासी ३० वर्षीया महिलाको उपचारका क्रममा मृत्यु भएको हो ।

वैशाख १४ गते अस्पताल भर्ना भएका पुरुषको सोही दिन पिसिआर विधिबाट परीक्षण गर्दा उनमा सङ्क्रमण पुष्टि भएको थियो भने १३ गते अस्पताल भर्ना भएकी महिलाको सोही एन्टिजेन परीक्षण गर्दा सङ्क्रमित भएको नारायणी अस्पतालका कोभिड संयोजक डा. सरोज रोशन दासले बताए ।