दुबई जेलमा ४१ नेपाली सजाय भोग्दै

यूएई । दुबईमा ४१ जना नेपालीले जेल जीवन बिताइरहेका छन । संयुक्त अरब एमिरेट्स यूएईको जेलमा रहेका नेपालीको अवस्थाबारे नेपाली दूतावास आबुधाबीले अध्ययन थालेको छ ।

जेलमा ३७ पुरुषसहित चार जना महिला छन् भने चार जना सजाय पूरा गरी नेपाल फर्किएका छन् ।दूतावास टोली जेल पुगेको केही दिनमै एक महिलालाई नेपाल फिर्ता पठाइसकेको छ ।

बाँकी १ जना महिलासहित २ पुरुष गरी ४ जनाले जेल सजाय पूरा गरी नेपाल फर्किएको दूतावासको जानकारीमा छ ।जेलमा रहेका नेपालीको अवस्था बुझ्न यूएईका लागि नेपाली राजदूत कृष्णप्रसाद ढकालसहित श्रम काउन्सेलर निर्मला थापा, स्थानीय जनसम्पर्क अधिकृत इरफान आलम सेन्ट्रल जेलमा पुगेर जानकारी लिएका हुन ।

उनीहरुलाई लागेको आरोप वा मुद्दाका विषयमा दूतावासले गर्न सक्ने कानूनी सहजीकरण, कानूनी सजाय पूरा गरेर नेपाल फर्किनेलाई हवाई टिकटको व्यवस्था गर्ने योजना अनुरुप अभियान सुरु गरेको यूएईका लागि नेपाली राजदूतावासले जनाएको छ ।

जाँड रक्सी पिउने र झै – झगडा गर्ने तथा झगडाले उग्र रुप लिंदा हत्यासमेत भएका घटना यूएईमा भएका छन् । त्यस्ता काममा संलग्न केही अहिले पनि दुबईको जेलमा छन् ।