- ३१ असार २०८३, बुधबार / Jul 15, 2026
काठमाण्डौं । प्रधानमन्त्री शेरबहादुर देउवा र एमाले अध्यक्ष केपी शर्मा ओलीबीच भेटवार्ता भएको छ । भेटका क्रममा ओलीले सरकारसँग सहकार्य गर्ने मनसाय व्यक्त गरेका छन् । देउवाले आवश्यक परेपछि मात्रै सरकारमा सहकार्य गर्ने विषयमा सोच्ने बताए ।
ओलीलाई भेट्न बालकोट पुगेका प्रधानमन्त्री देउवाले एमसीसी पास गराउन भूमिका खेल्न अनुरोध गरे । गठबन्धनमा एमसीसीबारे सहमति नभएपछि एमाले अध्यक्ष ओलीलाई भेट्न राति ९ बजेतिर पत्नी आरजु राणासहित देउवा बालकोट पुगेका थिए ।
प्रधानमन्त्री र ओलीबीच राजनीतिक अवस्थाका बारेमा कुराकानी भए पनि एमसीसी पास गर्ने विषयमा भएको छलफल बारे सार्वजनिक गरिएको छैन । ओलीसँगको भेटपछि आज सत्ता गठबन्धनको बैठक बस्ने भएको छ ।
