देशभरका मल डिपो रित्तिँदै, किसानहरू समस्यामा

काठमाडौं । देशभर रासायनिक मलको अभाव भएको छ । मलको हाहाकार भएपछि कृषि तथा पशुपन्छी मन्त्रालय र अन्य मातहतका निकाय छटपटिएका छन् ।

कृषि मन्त्रालयले मातहतका विभिन्न नयाँ पुराना ठेकेदारलगायतलाई बोलाएर छलफल गरेको छ । मलका गोदामहरू रित्तिँदै गएपछि किसानले मल नपाउने अवस्था पुगेको भन्दै छलफल भएको हो ।

अक्टोबरका पहिलो दोस्रो हप्ता मात्र मल आउन सुरु हुने अधिकारीको भनाइ छ । धानमा युरिया मल हाल्ने बेला मल अभाव भएको छ । किसानले मल पाइरहेका छैनन् । सबैतिरको गोदाम खाली हुन थालेपछि स्थानीय बिक्री केन्द्रहरूले समेत मल लुकाउन थाल्दा थप हाहाकार भएको हो ।