दैलेखको लोहोरे खोलाले बगाउँदा रिमालको मृत्यु

दैलेख । खोलाले बगाएर दैलेखमा एक जनाको ज्यान गएको छ । लोहोरे खोलाले बगाएर नौमूले गाउँपालिका–८ चौराठाका ४९ वर्षीय लक्ष्मीप्रसाद रिमालको ज्यान गएको हो । रिमाल सातमुले सहकारी संस्था तथा अरनिको मावि गिरखानीको विद्यालय व्यवस्थापन सदस्यलगायत सामाजिक काममा क्रियाशील व्यक्ति रहेको दैलेख प्रहरीले जनाएको छ ।

शुक्रवार बिहान आठ किलोमिटर पर रिमालको शव भेटिएको दैलेखका प्रहरीले जनाएको छ । सदरमुकाम दैलेख बजारबाट घर जाँदै गरेका रिमाल बिहीवार बेलुका झिल्के नजिक भिरबाट चिप्लिएर लोहोरे खोलामा खसेका थिए ।