- २८ जेष्ठ २०८३, बिहीबार / Jun 11, 2026
भक्तपुर । सुन्दर पर्यटकीय नगरी नगरकोटमा विदेशी पाहुनालाई टीका लगाएर स्वागत गरिएकाे छ । नगरकोट घुम्न आएका विदेशी पाहुनालाई टीका लगाएर दशैं मनाएको हाे ।
चागुनारायण नगरपालिका वडा न ६ का वडाअध्यक्ष तथा पर्यटन व्यवसाय धन बहादुर लामाले आज विहान टीका लगाउने कार्य सम्पन्न भएको बताए ।
संस्कृतिको संरक्षण तथा पर्यटन प्रबर्द्धनमा टेवा पुर्याउन नगरकोट आगमन हुने विदेशी तथा स्वदेशी पर्यटकलाई बिजया दशमीको शुभअवसरमा नगरकोटका स्थानीयले टिका लगाएर स्वागत गरेका हुन ।
अमेरिका, क्यानडा, जर्मनी, बेलायत, जापानलगायत विभिन्न देशका विदेशी पर्यटकलाई दसैंको टीका लगाएको नगरकोट नाल्दुम पर्यटन विकास समितिका अध्यक्ष नवीन गुरूङले बताए ।
