- १२ असार २०८३, शुक्रबार / Jun 26, 2026
काठमाडौं । पहिरोले नारायणगढ–मुग्लिन सडक अवरुद्ध भएको छ ।
गएराति १२ बजे भरतपुर महानगरपालिका–२९, केराबारी र अठार किलोमा लेदोसहितको पहिरो खसेपछि सडक अवरुद्ध भएको हो ।
दुवैतर्फका सवारी रोकिएको जिल्ला ट्राफिक प्रहरी कार्यालय चितवनले जनाएको छ ।
अहिले पहिरो पन्छाउने काम चलिरहेको बताएको छ ।
सवारी जाममा परेपछि यात्रुलाई सास्ति भएको छ। बालबालिका, वृद्ध र बिरामी यात्रु थप समस्यामा परेको प्रहरीको भनाइ छ ।
