- १२ कार्तिक २०८३, बिहीबार / Oct 29, 2026
काठमाडौं । अयोग्य लडाकुलाई २ लाख रूपैयाँ दिने निर्णय आफ्नो नभएको प्रधानमन्त्री पुष्पकमल दाहाल प्रचण्डले दाबी गरेका छन् । प्रधानमन्त्री दाहालले अयोग्य लडाकुलाई प्रतिव्यक्ति २ लाख रूपैयाँ दिने निर्णय आफ्नो नभएको सोमबार चितवनमा संचारकर्मीसँग कुरा गर्दै दाबी गरेका हुन ।
२०७१ सालमा अयोग्य लडाकुलाई पैसा दिने निर्णय कार्यान्वयन भएको बताउँदै २०७१ सालमा नेपाली कांग्रेस नेतृत्वको तत्कालीन सरकारले गरेको निर्णय आफूले कार्यान्वयन मात्रै गरेको बताएका हुन । आफूले गरेको निर्णय भनिएर जसरी प्रचार गरिएको कुरा झुटो भएको बताउँदै उनले अदालतको फैसलालाई आधार बनाएर निर्णय कार्यान्वयन गरेको जानकारी दिए ।
विषय अदालतसम्म पुगेको र अदालतले तत्काल कार्यान्वयन नगर्न आदेश दिएपछि पैसा दिने प्रक्रिया रोकिएको र आफू प्रधानमन्त्री हुनुभन्दा केहीअघि पुनः अदालतले नरोक्न भनेपछि अयोग्य लडाकुलाई पैसा दिने निर्णय गरेको उनले बताए ।
