- १४ आश्विन २०८३, बुधबार / Sep 30, 2026
काठमाडौं । नेपाल उद्योग वाणिज्य महासंघको वरिष्ठ उपाध्यक्षमा अञ्जन श्रेष्ठ निर्विरोध निर्वाचित भएका छन् । पहिलो चरणको मतदानमा कुनै पनि उम्मेदवारले ५० प्रतिशतभन्दा धेरै मत नल्याएपछि दोस्रो चरणको मतदानको तयारी भएको थियो ।
दोस्रो चरणको मतदानमा जानुअघि उमेशलाल श्रेष्ठले अञ्जन श्रेष्ठलाई नै सहमति जनाएपछि अञ्जन श्रेष्ठ निर्विरोध निर्वाचित भएका हुन् । पहिलो चरणमा अञ्जनसँगै उमेशलाल र रामचन्द्र संघाई वरिष्ण उपाध्यक्षका उम्मेदवार थिए ।
तेस्रो नम्बरमा रहेपछि संघाई दोस्रो चरणको चुनावी प्रतिस्पर्धाबाट बाहिरिए । वरिष्ठ उपाध्यक्ष स्वतः अध्यक्ष हुने महासंघको वैधानिक व्यवस्था अनुसार वरिष्ठ उपाध्यक्षको चुनाव रोचक भएको हो ।
बुधबार भएको चुनावबाट महासंघका अन्य पदाधिकारी तथा सदस्य भने निर्वाचित भइसकेका छन् । अब महासंघको नयाँ नेतृत्व अर्थात अध्यक्षमा चन्द्र ढकाल आएका छन् । यसअघि ढकाल वरिष्ठ उपाध्यक्ष चुनिएका थिए ।
