नेपाल पाञ्चाङ्ग निर्णायाक विकास समितिद्वारा भाइटीकाको उत्तम साइत सार्वजनिक,कात्तिक २९ गते बिहान १० बजेर ५१ मिनेटमा उक्तम साइत

काठमाडौं । नेपाल पाञ्चाङ्ग निर्णायाक विकास समितिले भाइटीकाको उत्तम साइत सार्वजनिक गरेको छ । यसवर्ष भाइटीकाको उत्तम साइत कात्तिक २९ गते बिहान १० बजेर ५१ मिनेटमा रहेको सोमबार विज्ञप्ति सहित सार्वजनिक भएको हो । भाइटीकाका दिन दिनभर दिदीबहिनीका हातबाट टीका लगाउन शुभ रहे पनि साइत खोज्नेका लागि १० बजेर ५१ बजेको साइत दिइएको समितिले जनाएको छ । राज्य सञ्चालकले साइतमै टीका लगाउनुपर्ने शास्त्रीय नियम रहेको छ ।

यस वर्षको यमपञ्चक अर्थात् तिहार कात्तिक २५ गते शनिवारदेखि शुरु हुने छ । २५ गते काग तिहार परेको छ । यस्तै २६ गते कुकुर तिहार र लक्ष्मी पूजा, २७ गते गाई तिहार, २८ गते गोवर्द्धन पूजा र म्हः पूजा, २९ गते भाइटीका परेको छ । भाइटीका लगाएपछि तिहारको समापन हुन्छ । नेपाल पञ्चाङ्ग निर्णायक विकास समितिले यस वर्षको भाइटीकाको उत्तम साइत २९ गते बुधवार बिहान १० बजेर ५१ मिनेटमा उत्तम साइत मानेको छ ।