नेपाल–भारत जोड्ने झोलुङ्गे पुलको लठ्ठा चुडिँयो, आवतजावत बन्द हुदा सास्ती

दार्चुला । झोलुङ्गे पुलको भारततर्फ लठ्ठा भाँचिदा आवतजावतमा समस्या भएको छ । पुल मर्मतपछि मात्र आवागमन गर्न जिल्ला प्रशासन कार्यालय दार्चुलाले आग्रह गरेको छ । एक सूचना जारी गर्दै प्राविधिक जाँचपछि मात्रै पुलमाथि आवतजावत गर्न अनुरोध गरेको सहायक प्रमुख जिल्ला अधिकारी प्रदीपसिंह धामीले बताए ।

महाकाली नगरपालिका–९ दत्तु र भारतको बालुवाकोट जोड्ने झोलुङ्गे पुलको लठ्ठा चुडिँएको हो । यो नाकाबाट दैनिकरूपमा सयौँ स्थानीय आवातजावत गर्ने गर्दछन् । जिल्लाको महाकाली नगरपालिका, मालिकार्जुन, लेकम गाउँपालिकाका र शैल्यशिखर नगरपालिकाका अधिकांश बासिन्दा दैनिक उपभोग्य सामान किनमेलका लागि

झोलुङ्गे पुलबाट भारतको बलुवाकोट जाने गरेका छन् । पुलमाथि आवतजावत बन्द भएपछि स्थानीयवासीलाई दैनिक उपभोग्य समान किन्न समस्या परेको स्थानीय नारद विष्टले बताए ।